Atletiek / Athletics

Atletiek 2019

Hoërskool Bekker het besluit om in 2019 ‘n nuwe blaadjie op die atletiekveld om te slaan.  Ons het aangesluit by die PUK-Atletiekreeks wat by die Kenneth McArthur Stadion aangebied word.

Na ‘n stadige wegspring, met al die reën, is ons trots om aan te kondig dat Hoërskool Bekker se atletiekspan 3e uit die stryd tussen 8 skole getree het.

Ons pronk behoorlik met ons Sangspan wat stof in al die skole se oë geskop het deur 1e uit die stryd te tree.  ‘n Besonderse prestasie!

Tydens die Cluster-byeenkoms het 4 atlete nl. Madri Grober, Niel Buitendag, Inezka Rademan en Johan Trytsman ons skool gaan verteenwoordig, waar Niel, Inezka en Johan gekwalifiseer het om aan die D2-kampioenskappe te gaan deelneem.  Daar het Inezka met haar verspring en drie-sprong gekwalifiseer om aan die Gauteng-kampioenskappe te gaan deelneem.  Bekker is trots!